星級客戶分享 – Vince Ng 伍家謙

 In Customers stories, Our news

呢張相,係未出院嗰陣太太偷影我嘅。嗰陣開始有少少懷疑人生,覺得點解我好似做乜都唔啱咁嘅?
.
點知返到屋企之後,懷疑得仲犀利。
.
尋日怪獸仔第一晚返屋企瞓,講攰真係好攰,我成晚都冇乜點瞓過,不過就開心多於一切?。相信到怪獸女返埋屋企之後,肯定仲刺激;我諗,我終於可以體會到咩叫困獸鬥??‍♂️
.
其實我明明跟足晒陪月姨姨啲步驟㗎啦,但硬係都好似搞唔掂咁。人哋姨姨輕輕拍佢幾下佢就瞓著,我就半夜搞一大輪佢都仲係唔願瞓;到佢肯瞓嘞,又差唔多要餵下一餐。

尋晚三點幾,怪獸仔終於瞓著;見得番個零鐘,我決定唔瞓喇,索性坐喺廳等算數。等等下嗰陣我諗:嗱,日頭佢哋食飽就瞓吖,但一到夜晚我同佢單對單嘅時候,就鬼咁精神 –
.
如果我哋係喺歐洲生活嘅話,咁我夜晚咪有得瞓囉?
.
冇嘢喇,嗰陣我可能眼瞓到黐咗線?
.
不過話時話,我的確已經準備將佢哋嘅一啲嘢送去歐洲,講緊嘅,係佢哋嘅臍帶血。Smart Cells Hong Kong 嘅服務非常之好,簡單登記完,第二日佢哋就會將採集工具盒送上嚟我哋屋企,而我哋要做嘅,就係入院嗰陣將個盒交畀姑娘;小朋友出世之後打個電話,寶諾又會即日派人去醫院攞番個盒,再將樣本送去英國嘅實驗室化驗同儲存。儲臍帶血,係幫小朋友嘅未來買個保障;做父母前幾已經有好多嘢要兼顧,寶諾嘅周到服務真係幫到我手,感激感激。

 

Vince Ng 16/04/2020

 

 

話都冇咁快,今日,你哋五個月大喇。

 

最近小怪獸s 越嚟越好玩,反應開始多,好活躍,仲好似意識到對方嘅存在。見到佢兩個有時對望嗰陣騎騎笑,真係好開心。(雖然突然無解咁一齊爆喊嘅時間都唔少??‍♂️)

 

希望你哋會一直相親相愛啦。爸爸係獨仔,從來唔知有兄弟姊妹嘅感覺係點;咁講有啲奇怪,但係我真係有少少羨慕你哋(個老豆咁靚仔)。怪獸仔雖然只係早怪獸女出世幾十秒,不過幾十秒就係幾十秒,做得哥哥,就要錫妹妹,要保護妹妹,唔好畀人蝦佢。冇計,做男人就係咁㗎喇,一出世你就已經負起咗呢個責任。

 

你大個咗要保護妹妹,爸爸媽媽會一直保護你兩個;你哋出世之前,我哋揀咗??Smart Cells Hong Kong??嘅服務幫你哋留臍帶血;早排收到通知,已經安全咁送去英國儲存好喇。喺呢度亦都想同一班準父母分享下:臍帶血入面嘅幹細胞,係可以醫好超過80種疾病嘅。有啲嘢,你當然唔會想有機會用到,但係畀bb多一份保障,我覺得有需要。記得呀,留臍帶血要喺出世之前決定㗎,準爸媽可以去 Smart Cells Hong Kong 嘅網頁或者fb page了解多啲。

 

Vince Ng 10/09/2020

 

照片來源: Vince Ng Instagram

Recommended Posts

Leave a Comment

Start typing and press Enter to search